<< Ինտերնետին վերաբերող որևէ բան մեխանիկորեն նույնը չէ, ինչ նախկինում: Ոչինչ: 
Ո'չ տեխնոլոգիան, ո'չ արտադրանքը մատուցելու եղանակը, ոչ էլ մեր գնելու եղանակը, ո'չ իրար հետ հաղորդակցությունը, 
ո'չ մեր գրելաոճը, ոչ մտածելակերպը>>:

                                                                                                                      Ռիչարդ Գինգարդ

 Օն-լայն ժուռնալիստիկան կամ այլ կերպ ասած ինտերնետային ժուռնալիստիկան 
զանգվածային լրատվության համեմատաբար ավելի նոր ոլորտ է` 
լրագրային, ռադիո և հեռուստատեսային ժուռալիստիկայի հետ համեմատած:

  Իսկ ինչ է օն-լայն ժուռնալիստիկան, ինչ է այն իրենից ներկայացնում:

Ամենապարզ սահմանմամբ կարելի է ասել, որ այն ժուռնալիստիկայի այն ոլորտն է,
 որում ինֆոմացիան հրապարակվում, տրվում է օն-լայն:

Ըստ Ռոնալդ Դե Վոլկի, Օն-լայն ժուռնալիստիկան պարզապես նշանակում է որակյալ լուրեր և տեղեկատվություն`տեղադրված ինտերնետում, մասնավորապես` <<Համաշխարհային սարդոստայնի>> հատվածում, ուր մարդիկ   կարող են կարդալ, տեսնել և լսել դրանք իրենց համակարգիչների և այլ նման սարքավորումների միջոցով>>:

 Վիքիփեդիան ինտերնետ ժուռնալիստիկա տերմինը բացատրում է որպես ժուռնալիստիկայի նոր տեսակ, որը ի հայտ է եկել 20-րդ դարի վերջին` ինտերնետի զարգացման և տարածման հետ:

 Սկզբնական շրջանում օնլայն ժուռնալիստիկայի ձևերն առաջացել են որպես արդեն գոյություն ունեցող լրատվամիջոցների ներկայացում: Դրանք   <<մաքուր>> ձևով հայտնվել են միայն 90-ականների կեսերից սկսած:

 Իհարկե, պետք է հասկանալ, որ ինտերնետում տեղադրված բոլոր նյութերը չեն, որ ժուռնալիստիկա են: Դրա  սահմանը հասկանալուց առաջ պետք է հիշել, թե ինչ է ընդհանրապես ժուռնալիստիկան: Լայն իմաստով այն ինֆորմացիայի հավաքումը, մշակումն ու հասարակության դատին հանձնումն է, ըստ այդմ էլ կարելի է ասել, որ օնլայն ժուռնալիստիկան էլ համապատասխանաբար ինֆորմացիա տալն է 
ինտերնետում: Այստեղ յուրաքանչյուրը կարող է ստեղծել զանգվածային լարատվության իր միջոցը: Ինտերնետային կառույցները կարող են ունենալ  ԶԼՄ-ի կարգավիճակ կամ ոչ: Ինտերնետում  լայն մասսայականություն ունի ժուռնալսիտիկայի անհատականացումը, այսինքն յուրաքանչյուր անհատ կարող է հանդես գալ որպես ինֆորմացիայի ստեղծող և տարածող` առանց որևէ սահմանափակման: Այս երևույթի վառ օրինակ է բլոգերությունը: Իսկ թե կարելի է բլոգերությունը համարել ժուռնալիստիկա, թե ոչ, այդ հարցի վերաբերյալ կան տարբեր կարծիքներ: Իհարկե, բոլոր բլոգերներին չէ, որ կարելի է համարել լրագրող, բայց եթե տվյալ բլոգերը հավաքում, մշակում և հրապարակում է ինֆորմացիա, նրա աշխատանքն արդեն կարելի է համարել լրագրություն:

Օնլայն ժուռնալիստիկայի առանձնահատկությունները: Առավելությունները և թերությունները:

Օնլայն ժուռնալիստիկայի առանձնահատկությունները դիտարկելու համար համեմատենք այն ավանդական ԶԼՄ-ի հետ:

Ինչով է այն տարբերվում  դասական լրատվամիջոցներից.

1. Այն հնարավորություն է ստեղծում ` տալ, այսպես ասած, մուլտիմեդիա լրատվություն:

2.Ինտերակտիվ է:

3.Ընթերցողների ավելի լայն   շրջանակ է ընդգրկում:

4.Ակտուալ է:

5.Անսահմանափակ է:

6.Հղումներ անելու հնարավորություն է տալիս:

 Այն հնարավորություն է ստեղծում ` տալ, այսպես ասած, մուլտիմեդիա լրատվություն: Սա նշանակում է, որ  օնլայն ժուռնալիստիկայի նյութը կարող է պարունակել և' տեքստ, և' ձայն, և' տեսանյութ, և' գրաֆիկա:

 Ինտերակտիվ է: Ընթերցողը անմիջապես կարող է կապ հաստատել նյութի հեղինակի և այլ ընթերցողների հետ, արտահայտել իր կարծիքը և տալ նյութի հետ կապված այլ տեղեկություններ:

 Ընթերցողների ավելի լայն  շրջանակ է ընդգրկում: Օնլայն ինֆորմացիան տարածվում է գլոբալ մասշտաբներով` անսահմանափակ:

 Ակտուալ է:Այստեղ տեղեկակատվությունը շատ թարմ է: Պետք է հաշվի առնել նաև նյութի թաքնված ակտուալությունը: Այն կարող է տեղադրված լինել որոշ ժամանակ առաջ, բայց տևականորեն հետաքրքրել ընթերցողներին և մեկնաբանվել նրանց կողմից:

 Անսահմանափակ է: Ինտերնետում չկա տեղի սահմանափակում, այնպես որ այստեղ հնարավոր է գրել շատ երկար: Չկա նաև խնդիր նյութերի պահպանման ժամկետի հետ:

 Հղումներ անելու հնարավորություն է տալիս:Այստեղ պարտադիր չէ, օրինակ, որևէ շարունակական թեման սկզբից ներկայացնել անտեղյակ ընթերցողին, դա կարելի է անել հղումների ձևով:

Այս բոլոր առանձնահատկությունները կալի է համարել որպես օնլայն ժուռնալիստիկայի առավելություններ: Սակայն այս Զլմ-ն զերծ չէ նաև թերություններից: Ի տարբերություն թերթի, այստեղ կարդալը ավելի դժվար է. Էկրանին երկար նայելը ցավեցնում է աչքերը, ավելի շատ է լարվածություն առաջացնում ,ավելի ժամանակատար է` փնտրել, գտնելու և բեռնելու տեսանկյունից: Նաև համակարգիչ և ինտերնետ ունենալը ավելի շատ ծախսերի հետ է կապված: Թերթ կարելի է կարդալ հանգստանալիս, առանց որևէ ինֆորմացիա փնտրելու,  ի տարբերություն ինտերնետի:

                 Ինչպես գրել օնլայն ժուռնալիստիկայի համար

 Օնլայն ընթերցողը ունի որոշակի ակնկալիքներ ու տարբերվող պահանջներ մյուս ԶԼՄ-ի ընթերցողներից: Համացանցում ինֆորմացիան շատ է. ընթերցողը մի քանի րոպեում կարող է անցնել մի էջից մյուսը: Այդ պատճառով էլ օնլայն լրագրողից պահանջվում է ոչ միայն տարբերվող նյութ, այլև որևէ <<Խայծ>>, որը կգրավի ընթերցողին: Օնլայն ընթերցողը ավելի կարճ, մատչելի, արագ ու միևնույն ժամանակ ավարտուն  ու պարզ տեղեկատվություն է փնտրում: Այստեղ կան բազմաթիվ նրբություններ ու կանոններ, որոնք  շատ-շատ են (սա քննարկման ծավալուն թեմա է J):

   Հեռանկարները: Այսօր արդեն ակնհայտ է, որ զանգվածային լրատվության ավանդական միջոցներին ավելացել է ևս մեկը` օնլայն ժուռնալիստիկան, որը օրեցօր ավելի մեծ տարածում է գտնում: Այս լրատվամիջոցի << իշխանության>> դարաշրջանում պահանջները լրագրողների նկատմամբ փոխվում են: Այժմ համապատասխան կրթությունից բացի անհրաժեշտ է նաև նորագույն տեխնոլոգիաներին տիրապետում և հեռու չէ այն ժամանակը, երբ առանց այդ գիտելիքների  հնարավոր չի լինի գործել ժուռնալիստիկայի ոլորտում ( Խոսքը Հայաստանի մասին է, մյուս շատ ու շատ երկրներում, կարծում եմ,  վաղուց այդպես է):

Այսպես, եթե որոշել եք դառնալ օնլայն լրագրող և ուզում եք իմանալ հաջողվում է, թե ոչ, պարզապես հետևեք ձեր էջի <<рейтинг>>-ին: Բարի <<օնլայն գործունեություն>>: